Estaleiro

CARPINTERÍA DE RIBEIRA

Un dos poucos testemuños que se conservan do pasado portuario de Cereixo son os Estaleiros RD, que rexenta José Manuel Romero Dopazo, alcumado «o carpinteiro». Foron fundados polo seu pai, que trouxo a tradición de Cabana de Bergantiños, na década de 1940 e neles construíanse e reparábanse barcos pesqueiros de madeira para armadores de Camariñas, Camelle, Muxía e Fisterra, principalmente. Aquí chegáronse a facer embarcacións de ata 14 metros de eslora e hoxe é o último reduto deste oficio tradicional na Ría do Porto.

Ligazóns

• Visita virtual polos asteleiros
• Audioguía dos asteleiros