Descrición da oferta
Os concellos de Muxía, Vimianzo e Camariñas conseguiron un segundo obradoiro de emprego conxunto para darlle oportunidades laborais á súa veciñanza.
Neste caso, a entidade promotora e a sede será o Concello de Muxía, e desenvolverase en dúas especialidades, a destacar ‘Promoción turística local e información ao visitante’, e ‘Actividades auxiliares en conservación e mellora de montes’.
Dará comezo no mes de decembro e terá unha duración de 9 meses. Participarán no mesmo 20 persoas.
A formación recibida vai dirixida á obtención dun certificado de profesionalidade, neste caso trátase dun certificado de nivel 1 coa especialidade de actividades auxiliares en conservación e mellora de montes e un certificado de nivel 3 coa especialidade de promoción turística e información ao visitante.
O Concello de Muxía presenta a oferta de emprego para alumnado-traballador na oficina de emprego de Cee, que lle achegará unha listaxe cun máximo de 4 candidatos por posto.
Máis información na
SEDE DE MUXÍA