16-08-2021
Cursos linguaxe administrativa galega e cursos preparatorios Celga
A Consellería de Cultura, Educación e Universidade convocou no Diario Oficial de Galicia (DOG) do 13 de agosto de 2021, cursos de linguaxe administrativa galega e cursos preparatorios para os certificados de lingua galega (Celga) en varias escolas oficiais de idiomas da Galicia.
Os cursos terán carácter gratuíto. Impartirante entre outubro de 2021 e maio de 2022 (consultar lugares de impartición e datas na convocatoria do DOG no enlace que se sinala máis abaixo)
Persoas beneficiarias:
- Cursos de linguaxe administrativa galega.
- Persoal das diferentes administracións públicas de Galicia excepto persoal docente da Consellería de Cultura, Educación e Universidade e o persoal sanitario.
- Persoas maiores de 16 anos que non sexan empregadas públicas e posúan os certificados ou acreditacións necesarias para acceder a cada un dos cursos. Neste suposto só se poderá optar ás prazas no caso de que non sexan cubertas por empregados/as públicos/as.
- Cursos preparatorios para os certificados de lingua galega (Celga).
- Persoas maiores de 16 anos ou aquelas que os fagan no ano natural da convocatoria, que desexen preparar as probas convocadas pola Secretaría Xeral de Política Lingüística para certificar a súa competencia en lingua galega.
- As persoas que desexen participar nos cursos convocados deberán cubrir o formulario de inscrición telemática no enderezo www.eoidigital.com/preinslinguagalega As solicitudes cubertas adecuadamente entenderanse presentadas na secretaría da escola oficial de idiomas correspondente unha vez que se complete correctamente o proceso de matriculación.
Prazo de presentación de solicitudes:
- Cursos do primeiro cuadrimestre: 01– 10 setembro 2021
- Cursos do segundo cuadrimestre: 04 – 14 xaneiro 2022.
ENLACE Á CONVOCATORIA DO DOG
ENLACE PARA DESCARGAR O FORMULARIO
MÁIS INFORMACIÓN:
EOI A Coruña 981279100
EOI Ferrol 981324025
EOI Santiago de Compostela 881867601
EOI Lugo 982284893
EOI Ourense 988366073
EOI Pontevedra 886159116
EOI Vigo 986260210
OU CONTACTAR COA ORIENTADORA LABORAL
Tel.: 981737004 / 653260746
margarita.seijas@camarinas.net
LUNS A VENRES: 8:00 – 14:00