Novas

30-05-2017

Inaugurada a Aula da Natureza da Área recreativa do Val en Baíñas

Máis dun cento de veciñas e veciños asistiron na mañá do domingo ao acto de inaugración a Aula da natureza da Área recreativa do Val na parroquia de Baíñas.

Este edificio, construído ao abeiro do POS 2016, consta dun espazo interior diáfano de máis de 70 m2, ,, baños e almacén. Está construído con materiais ecolóxicos e, tanto no seu no seu deseño coma na súa construción, pretendeuse reducir o impacto ambiental evitando os movementos de terras e utilizando materiais sostibles.

O edificio complementa as outas instalacións da Área recreativa do Val, como os asadores, o merendeiro ou a presa, facendo da dita área un lugar idóneo para o esparcimento e as celebracións.

Está previsto que no espazo se organicen actividades divulgativas e obradoiros vencellados ao medio ambiente, o coidado da natureza e o coñecemento da flora e a fauna da contorna.

Así mesmo, o espazo quedará a disposición para reunións e outras propostas da veciñanza da parroquia e do Concello. As persoas que desexen utilizar o espazo teñen que poñerse en contacto co Concello de Vimianzo onde se lles falicitará a información oportuna.