Do 23-05-2024 ao 23-05-2024
Do 30-05-2024 ao 30-05-2024
A terceira edición do Festival Solidario que organzou o Concello de Vimianzo en colaboración con Cáritas e coa Cruz Vermella resultou todo un éxito.
Máis de 400 persoas déronse cita o domingo pola tarde no Auditorio da Casa da Cultura de Vimianzo para gozar coas actuacións de grupos de baile e pandeireta de Vimianzo, do Mago Pedro Bugarín e dos compoñentes da Asociación Cherinkas, nunha gala conducida polo it-boy Javi Mos
A recadación das entradas, de venda das rifas e distintos donativos superou os 4000€ que se repartirán entre Cáritas e a Cruz Vermella para que os destinen aos fins das súas respectivas asociacións.
Tamén houbo unha recollida de alimentos que superaron os 700 kg e que serán repartidos polas asociacións entre as persoas que o precisen.
No transcurso da gala sorteáronse 100 agasallos que foron doados polos comercios de Vimianzo.
Dende a organización queren expresar a súa gratitude para cos colaboradores e xa están pensando na organización da gala do ano próximo.