Novas

03-04-2014

A Biblioteca municipal festexou o Día internacional do libro infantil e xuvenil

A Biblioteca municipal recibía onte a visita dos Vimianziños e dos máis pequenos e pequenas do Ceip San Vicenzo para conmemorar o Día Internacional do libro infantil e xuvenil. Dentro do programa Ler conta moito subvencionado pola Consellería de Cultura, Educación e Ordenación universitaria, piudemos contar na nosa biblioteca con Nita disposta a ensinarlle aos máis pequenos que A ciencia é divertida. Os nenos e nenas pasaron unha xornada de aprendizaxe lúdico, adecuada ás súas idades, familiarizándose cos libros, cos diferentes experimentos que lles ensinou Nita e coa propia biblioteca.
Esta programación de animación á lectura continuará con diferentes actividades e pola biblioteca municipal pasarán todos os alumnos do Ceip San Vicenzo, do Ceip de Baíñas e das escolas unitarias do concello.
O concello completará o programa con diferentes obradoiros e actividades fóra do horario escolar para que poidan participar os nenos e nenas que o desexen. A primeira destas actividades, gratuítas, desenvolverase durantes as vacacións de Semana Santa. Aqueles que desexen participar nos obradoiros de Pascua e na xornada de animación Contos de Pascua, poden inscribirse na Casa da Cultura ata o 11 de abril