13-10-2026
O programa Actívate 2026-2027 de Vimianzo arrinca con 917 usuarios nas escolas deportivas, culturais e dixitais.
O Concello de Vimianzo puxo en marcha o pasado 5 de outubro o programa Actívate 2026-2027, que conta este curso cun total de 917 usuarios e usuarias nas súas escolas deportivas e culturais e dixitais.
A iniciativa municipal reúne unha ampla oferta de actividades dirixidas a diferentes idades e intereses, co obxectivo de fomentar hábitos de vida saudables, impulsar a participación cultural e facilitar o acceso ao deporte e á cultura no municipio.
Do total de participantes, 496 están inscritos nas escolas deportivas, o que representa aproximadamente o 54,1 % dos usuarios, mentres que 421 participan nas escolas culturais e de achegamento ás novas tecnoloxías, un 45,9 % do total.
Estas cifras reflicten a boa acollida dunha programación que busca ofrecer alternativas de formación, convivencia e desenvolvemento persoal, ao tempo que contribúe á dinamización social das parroquias e á mellora da calidade de vida da veciñanza.
Con Actívate, o Concello de Vimianzo continúa apostando por uns servizos municipais próximos á cidadanía, que favorezan a práctica deportiva, a creatividade e o acceso á cultura como elementos fundamentais para o benestar e a cohesión social.