Novas

24-01-2026

Vimianzo gozará do entroido o vindeiro 14 de febreiro con máis de 3.000 euros en premios

Vimianzo celebrará o Entroido o vindeiro 14 de febreiro de 2026, no que se repartirán máis de 3.000 euros en premios. As inscricións poderán realizarse ata o 12 de febreiro ás 23:59 horas na sede electrónica municipal ou no Rexistro da Casa do Concello.

O pasarrúas comezará ás 16:3o horas e media hora antes, ás 16:00 horas, establécese o tempo de quedada na praza do Concello. Ás 17:30 horas haberá concurso de disfraces e ás 20:00 horas a sesión de baile con Pablo Reboleiro e Marta Alonso.

Unha hora máis tarde, ás 21:00 horas, a entrega de premios.

Diferentes categorías

Os e as participantes poderán inscribirse nunha das diferentes categorías
establecidas, que son:

Comparsas: mínimo 20 integrantes. Concederanse tres premios: primeiro premio de 1.000 €, segundo premio de 500 € e terceiro premio de 200 €.

Grupos: de 3 a 19 integrantes. O primeiro premio será de 300 €, o segundo premio de 200 € e o terceiro premio de 100 €.

Familias de Vimianzo: mínimo 6 integrantes e tres xeracións de Vimianzo. Concederase un premio único de 200 €.

Parellas: 2 integrantes. O primeiro premio será de 100 €, o segundo premio de 75 € e o terceiro premio de 50 €.

Individuais infantís: menores de 16 anos. O primeiro premio será de 60 €, o segundo premio de 40 € e o terceiro premio de 20 €.
Individuais adultos: maiores de 16 anos. O primeiro premio será de 100 €, o segundo premio de 75 € e o terceiro premio de 50 €.