Concello de Vimianzo
12 de xullo de 2024
O corazón da Terra de Soneira

Novas

01-07-2024

A rapazada de Vimianzo busca a fórmula da igualdade a través de experimentos máxicos

A rapazada de Vimianzo poderá buscar, coas súas propias mans, a tan ansiada e necesaria fórmula da igualdade. Farao a través de diferentes experimentos nos que poderá mesturar distintas emocións e condutas imprescindibles para construír un mundo moito máis igualitario.

Os obradoiros realizaranse os días 2, 3, 4, 5 e 6 de xullo na Praza do Concello, en horario de 17:00 a 21:00 horas, co obxectivo de sensibilizar e concienciar á rapazada en favor da igualdade de xénero.

Deste xeito, a través destas actividades búscase traballar a educación en igualdade con crianzas e familias no marco da celebración do Asalto ao Castelo. Para iso, procedeuse á instalación dunha caseta que, ademais, servirá como punto informativo para calquera persoa que demande información.

Esta iniciativa, financiada con fondos do Pacto de Estado contra a Violencia de Xénero, traballa con todos os ingredientes necesarios para lograr alcanzar a igualdade: xustiza de xénero, solidariedade, empatía, diversidade, respecto, comunicación, autoestima, tolerancia, coidados, amor, liberdade e responsabilidade.

“Trátase de valores fundamentais e que debemos empregar no noso día a día para construír unha sociedade mellor para todas as persoas”, destacou a concelleira de Benestar Social, María José Pose, que destacou a necesidade de achegar estes valores “ás idades máis temperás para lograr mellorar a sociedade desde a base, os nosos pequenos e pequenas, que son, ao fin e ao cabo, o futuro”.

Experimentos máxicos

Para lograr alcanzar a igualdade, as crianzas deberán realizar unha serie de experimentos con diversos materiais. En todos eles traballan os valores anteriormente mencionados dunha maneira do máis orixinal e divertida.

Cada día os pequenos e pequenas serán os encargados de tirar a man tola, que será a encargada de decidir que experimentos se van realizar en cada xornada. Unha vez finalizado, as persoas participantes reuniranse en torno ao pote e cada un introducirá un pouco do produto obtido. Xuntos e xuntas deberán recitar o conxuro ao unísono.

Cita previa
Sede Electrónica
Pagos en liña
Directorio Empresarial
Escoitámoste
Liña directa co alcalde
Axenda
- 2024 +
- xullo +
L
M
M
X
V
S
D
7
8
9
10
11
12
13
14
15
16
18
19
20
21
22
23
24
25
26
27
28
29
 
 
 
 

Perfil de contratante
Boletíns
Museo Virtual SEA- Suelo Empresarial del Atlántico GDR Costa da Morte Grupos de Acción Costeira
COOKIES
Este sitio utiliza cookies para proporcionar os nosos servizos e realizar análisis de uso e de medición de nosa web. Se continúa navegando, consideramos que acepta o seu uso. Pode obter máis información, ou ben coñecer como cambiar a configuración do seu navegador, pulsando na nosa Política de Cookies | ACEPTAR X