Concello de Vimianzo
8 de febreiro de 2023
O corazón da Terra de Soneira

Novas

18-01-2023

Vimianzo exportará a FITUR os seus principais potenciais como un dos puntos de referencia da Costa da Morte


O Concello de Vimianzo aterrará en FITUR, a Feira Internacional de Turismo que se celebra en Madrid do 18 ao 22 de xaneiro, con todo o seu potencial patrimonial, turístico e cultural para continuar a súa consolidación como un dos puntos de referencia da Costa da Morte.

O xoves, ás 18:30 horas, a alcaldesa de Vimianzo, Mónica Rodríguez, presentará no stand de TURESPAÑA unha peza audiovisual con enclaves únicos situados ao longo do municipio.

Seguindo a liña temporal e a pegada do ser humano nos diferentes elementos naturais e arquitectónicos como fío condutor, no vídeo o público poderá divisar lugares especialmente significativos para a veciñanza de Vimianzo e da comarca da Costa da Morte como son os Penedos de Pasarela e Traba; os cabalos salvaxes que dan vida ao Monte Faro; o dolmen da Pedra da Arca, enmarcado nas pegadas do megalitismo na bisbarra; o castro das Barreiras; os Batáns do Mosquetín; o cruceiro de Cheis, sobre o que ademais se está levando a cabo unha investigación para saber se é o máis antigo de Galicia; o Castelo, cuxa festa foi declarada o pasado ano como de Interese Turístico de Galicia; a tradicional Fagía de Carnés e o lugar de Cereixo, coa súa igrexa e a importancia da Translatio para, finalmente, volver aos Penedos durante o solpor, despedindo unha xornada entre a esencia da Costa da Morte: terra, mar e historia.

Desde o Concello móstranse seguros de “todo o conxunto que define a localidade de Vimianzo e que mostraremos en FITUR porque temos moito potencial e só nos queda seguir traballando para darlle visibilidade”. Ademais, o goberno local asegura que “unha das principais liñas de acción deste equipo é traballar para dar a coñecer todos os nosos recunchos, as posibilidades e potencialidades que ten o noso territorio para ser, e continuar a ser, unha das referencias na Costa da Morte”.

Recalca, por outra banda, que todo isto non sería posible “sen o traballo de tantísimas persoas que están detrás: colectivos, asociacións, veciños como Damián Álvarez ou técnicos municipais, entre outros”. O xoves en Madrid todo o esforzo verá a luz en forma dunha pequena peza audiovisual cuxas imaxes, ademais, van acompañadas dunha banda sonora moi especial “da que moi pronto poderedes coñecer máis detalles”, conclúen desde o Concello.

Cita previa
Sede Electrónica
Pagos en liña
Directorio Empresarial
Escoitámoste
Liña directa co alcalde
Axenda
- 2023 +
- febreiro +
L
M
M
X
V
S
D
 
 
 
 
 
 
 

Perfil de contratante
Boletíns
Museo Virtual SEA- Suelo Empresarial del Atlántico GDR Costa da Morte Grupos de Acción Costeira CeMIT Obradoiro de Emprego Xuvenil
COOKIES
Este sitio utiliza cookies para proporcionar os nosos servizos e realizar análisis de uso e de medición de nosa web. Se continúa navegando, consideramos que acepta o seu uso. Pode obter máis información, ou ben coñecer como cambiar a configuración do seu navegador, pulsando na nosa Política de Cookies | ACEPTAR X