Concello de Vimianzo
30 de novembro de 2022
O corazón da Terra de Soneira

Novas

30-09-2022

O Concello presenta a programación de outono 2022 do Auditorio da Casa da Cultura

O Concello de Vimianzo presentou esta mañá a programación de artes escénicas dos sábados e domingos de outubro a decembro que terá lugar no Auditorio da Casa da Cultura e destinada a público adulto e familiar. Ao acto, celebrado no Salón de Conferencias do mesmo edificio, acudiron a alcaldesa, Mónica Rodríguez; a concelleira de Cultura, Rosa Blanco, e a técnico de Cultura, Nieves Lema.

Nesta programación de outono, o Concello achega a Vimianzo un total de 14 espectáculos, cofinanciados pola Rede Cultural da Deputación da Coruña e a Rede Galega de Teatros e Auditorios Agadic da Xunta de Galicia. A programación consta de 14 funcións de primeiro nivel do panorama cultural galego no que ten cabida o cine, a música, narración oral, teatro e a comedia. 

A programación arranca o venres 14 de outubro coa proxección da película “Lúa vermella” dentro do Ciclo Nacional de cine y Mujeres rurales do Ministerio de Agricultura, Pesca e Alimentación para conmemorar o ‘Día Internacional das Mulleres Rurais’. 

día 15 de outubro a compañía Os Monicreques de Kukas achega a Vimianzo ‘Don Gaiferos’obra de teatro con monicreques de fíos e música en directo na que se conta un dos milagres atribuídos ao Apóstolo Santiago e narra a viaxe do peregrino francés don Gaiferos de Mormaltan. 

22 de outubro as televisivas Eva Iglesias e Inma Morandeira son as protagonistas da comedia de enredo chea de situacións disparatadas,’Nais’

29 de outubro, Malasombra Producións , representa o espectáculo ‘De algo hai que morrer’ no que os protagonistas Xoque Carbajal e Jouse García intentarán que morramos da risa. 

O día 12 de novembro será a quenda da narración oral ‘Como dicía o outro’ de Cándido Pazó que conta historias, lerias, contos... iso que alguén contou onte... que un conta hoxe... e que alguén contará mañá. 
 
A encargada de recordar os 20 anos do afundimento do Prestige ( 19 novembro 2002) será a recoñecida compañía Chévere, que achegará o 19 de novembro ao auditorio de Vimianzo  o espectáculoN.E.V.E.R.M.O.R.E’, a caixa negra do Prestige, unha viaxe emocional á catástrofe que marcou as vidas dos habitantes da Costa da Morte. A veciñanza ten a oportunidade única de ver en Vimianzo este espectáculo, que se estreou no teatro María Guerrero de Madrid e xirou polo territorio nacional. O elenco confórmano Manuel Cortés, Miguel de Lira, Patricia de Lorenzo, Borja Fernández, Mónica García e Arantza Villar. 

A mocidade do IES Terra de Soneira gozará da representación financiada pola Área de Igualdade da Deputación, ‘Mapoulas’, mulleres libres de Montealto, de Laboratorio Escénico Coop. e participará nun coloquio guiado por Carmen Cotelo. ‘Mapoulas’ é unha creación escénica multidisciplinar baseada nun feito histórico que mestura a dramatuxia teatral, a danza, a poesía e o audiovisual. 

Pecha o mes de novembro, o sábado 26, a compañía Eléctrica co espectáculo ‘Miss Docet’ que contou co patrocinio do Concello de Vimianzo. A interpretación de Iria Pinheiro guía esta peza de teatro documental no que a biografía de Emilia Docet se entretece coa doutras mulleres silenciadas despois de 1936. Como un desfile de voces, ecos e silencios, ‘Miss Docet’ recupera desde a escena a potencia dunha xeración de galegas que veu truncada a súa historia e contribúe á loita para evitar que os seus nomes e os seus pasos desaparezan da nosa memoria. 

O día 3 de decembro a compañía A Panadaría presentará o espectáculo ‘As que limpan’ que fala da loita organizada das camareiras de piso dos hoteis por acadar uns dereitos laborais e sociais xustos. Fronte a elas, a avaricia voraz dos propietarios das cadeas hoteleiras. O elenco está composto polas coñecidasAreta Bolado, Noelia Castro e Ailén Kendelman.

Pecha a programación dos sábados de outono o 10 de decembro a compañía madrileña Punto De Partida Teatro que nos achega a súa última montaxe ‘Foile’, unha comedia dramática coa que emocionarse e rir a partes iguais e na que a vimiancesa Rosa Pérez forma parte do elenco. 

As representacións deste outono cultural , destinadas a adultos serán os sábados ás 20:30 horas e a billeteira abre unha hora antes do inicio do espectáculo. 

A venda anticipada das entradas será a través de www.woutick.es (gastos de xestión incluídos) ou na billeteira da Casa da Cultura de luns a venres de 9:00 a 14:00h.

Estará á venda na Casa da Cultura un bono para os 7 espectáculos (non inclúe espectáculo de ‘Nais’ e ‘As Mapoulas’ ) por 30 € e haberá descontos para maiores de 65 anos e para estudantes acreditados. O prezo de entrada é de 5 euros ( reducida 2.50€). 
 
O espectáculo ‘N.E.V.E.R.M.O.R.E’ ten un prezo de entrada de 8€ ( educida 6€). O espectáculo de ‘Nais’ ten un prezo entrada de 15€ e gastos de xestión (venda www.ataquilla.com) 
O público infantil e familiar tamén ten o seu oco na programación do Auditorio, o Outono Rebuldeiro que acolle espectáculos nas tardes dos domingos 16, 30 de outubro e 13 e 20 de novembro ás 18:30 horas. Estes espectáculos son de balde, pero deben reservar entradas na Casa da Cultura. 
 
domingo 16 de outubro ‘Rockeamos todas’ será o espectáculo musical que achega a Vimianzo Pakolas coa súa Ramona Órbita. 
 
Imos celebrar o Samaín na tarde do 30 de outubro coa ‘Festa malvada’ de Teatro Calavera e na que a rapazada pode acudir con disfraces. 

domingo 13 de novembro Trécola Producións presenta a peza de monicreques de fío, ‘Xogo Revolto’ na que as nenas e nenos se senten directamente identificados dende o principio e decataranse de que o seu comportamento inflúe nas persoas que os rodean. 

Os Bolechas chegarán unha vez máis a Vimianzo, nesta ocasión o 20 de novembro co espectáculo ‘O aniversario do avó’ da man do GDR Costa da Morte e financiado polo Programa FalaRedes da Secretaría de Política Lingüística da Xunta De Galicia. 

Cita previa
Sede Electrónica
Pagos en liña
Directorio Empresarial
Escoitámoste
Liña directa co alcalde
Dbarrio. Comercion online
Axenda
- 2022 +
- novembro +
L
M
M
X
V
S
D
 
 
 
 
 

Perfil de contratante
Boletíns
Museo Virtual SEA- Suelo Empresarial del Atlántico GDR Costa da Morte Grupos de Acción Costeira CeMIT DBARRIO Obradoiro de Emprego Xuvenil
COOKIES
Este sitio utiliza cookies para proporcionar os nosos servizos e realizar análisis de uso e de medición de nosa web. Se continúa navegando, consideramos que acepta o seu uso. Pode obter máis información, ou ben coñecer como cambiar a configuración do seu navegador, pulsando na nosa Política de Cookies | ACEPTAR X