Concello de Vimianzo
5 de outubro de 2022
O corazón da Terra de Soneira

Formación

Nestes momentos non hai cursos pendentes de celebración no Concello

Convocatorias

Emprego

Público

ver todos

Privado

Nestes momentos non hai ofertas privadas

Novas

09-08-2022

O Concello e a Deputación asinan o convenio para a xestión do Castelo e dos Batáns do Mosquetín en 2022

A alcaldesa do Concello de Vimianzo, Mónica Rodríguez, e o vicepresidente da Deputación da Coruña, Xosé Regueira, asinaron esta mañá na sede provincial o convenio de cooperación para a xestión da atención de visitantes, Mostra de Artesanía en Vivo e outras actividades no Castelo de Vimianzo e os Batáns de Mosquetín durante o 2022. A Deputación consignará nos seus orzamentos unha partida de 120.000, dos que 105.000 € se destinarán ao Castelo e os outros 15.000 €, aos Batáns.
 
“A Deputación”, explicou Regueira, “leva realizado ao longo dos anos numerosas actuacións encamiñadas á protección, conservación, rehabilitación, musealización e posta en valor do Castelo de Vimianzo e os Batáns de Mosquetín, e con esta nova achega seguiremos avanzando para que converter eses dous referentes do noso patrimonio e as súas contornas naturais nun enclave turístico nacional”.
 
O vicepresidente salientou o traballo e cooperación entre a Deputación e o Concello vimiancés, “que leva colaborando con nós nun modelo novo de xestión do patrimonio cultural no cal se interrelacionan os aspectos puramente materiais, como os edificios e os montaxes expositivos”. “Neste sentido”, engadiu, “o obxetivo último foi facer do espectador un actor activo, sensibilizando ao mesmo tempo sobre as posibilidades da cultura megalítica como recurso e reclamo turístico”.
 
Entre as obrigas contraídas segundo o convenio polo Concello de Vimianzo está a de achegar o persoal necesario para a atención aos visitantes do Castelo, ás Mostra e aos Batáns; a abrir os centros de acordo cos horarios que se establecen no acordo (o Castelo, de martes a domingo, excepto Nadal e Aninovo; e os Batáns, de luns a domingo) e a elaborar unha estatística de visitas mensual e de xeito obxetivo e valorable.
 
“O Castelo de Vimianzo”, lembrou Regueira, “foi obxecto dun proxecto de musealización durante o desenvolvemento do Plan de Dinamización Turística”. “Nese proxecto”, explicou, “converteuse unha das torres en centro de interpretación do Castelo e da Costa da Morte, a través de paneis e outros elementos. Por outra banda, instaláronse paneis sobre diferentes manifestacións artesás. Ademais desa parte, atópase o foso e todas as dependencias da edificación que poden ser visitadas. Durante todo o ano hai servicio de conserxería para orientar aos visitantes na súa experiencia e, en tempada alta, fornécese o servizo con visitas guiadas e atención ao visitante”.
 
Pola súa banda, a alcaldesa de Vimianzo, Mónica Rodríguez, quixo agradecer "á Deputación a súa total implicación para a preservación e posta en valor de dúas das xoias patrimoniais das moitas que existen no noso municipio", resaltando o "positivo que é asinar hoxe este convenio, que nos pemitirá seguir coidando os nosos bens, que son tamén os de toda a cidadanía".

O Castelo de Vimianzo é un dos conxuntos máis visitados na Costa da Morte. Os viaxeiros que se achegan demandan información sobre a fortaleza e o seu contido, sobre o Concello, pero tamén sobre o resto do xeodestino. Durante todo o ano, atende ao público un conserxe, praza específica para este espazo, e persoal das áreas de Cultura e Desenvolvemento Local. “Este servizo coordínase coas contratacións específicas de persoal de museos e de turismo que se realizan temporalmente; contratacións que son posibles grazas a achegas que aportarmos con convenios como o que firmamos hoxe”, afirmou Regueira.
 
En canto ás visitas teatralizadas, contémplanse para tempada alta. Unha compañía profesional canta, cada fin de semana, a historia do castelo transformándose nas persoas que o habitaron durante diferentes épocas. Desde os Mariño de Lobeira e os Moscoso, pasando polos acontecementos do 36, ata a actualidade, relatan de xeito lúdico e ameno as principais vivencias acontecidas na fortaleza medieval. Unha teatralización de media hora que da ao visitante un percorrido pola historia do castelo e, a un tempo, de Galicia.
 
O conxunto etnográfico dos batáns e muíños de Mosquetín está delimitado polo río e pola elevación da estrada de acceso. Desde o concello contrátase externamente a apertura do espazo no horario establecido. Dentro, as persoas visitantes poden entrar nas diferentes dependencias e ver a enxeñaría asociada ao uso da auga. Mantense limpo o espazo e vixíase o estado de seguridade das zonas de tránsito. En tempada alta elabórase un calendario de visitas guiadas e en tempada baixa pódense concertar, limitando este servizo á disposición de recursos. Ademais, estase en contacto coa Asociación de Guías de Turismo por se é preciso derivar a algún grupo, dado que os recursos municipais son limitados.

Cita previa
Sede Electrónica
Pagos en liña
Directorio Empresarial
Escoitámoste
Liña directa co alcalde
Dbarrio. Comercion online
Axenda
- 2022 +
- outubro +
L
M
M
X
V
S
D
 
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
 
 
 
 
 

Perfil de contratante
Boletíns
Museo Virtual SEA- Suelo Empresarial del Atlántico GDR Costa da Morte Grupos de Acción Costeira CeMIT DBARRIO Obradoiro de Emprego Xuvenil
COOKIES
Este sitio utiliza cookies para proporcionar os nosos servizos e realizar análisis de uso e de medición de nosa web. Se continúa navegando, consideramos que acepta o seu uso. Pode obter máis información, ou ben coñecer como cambiar a configuración do seu navegador, pulsando na nosa Política de Cookies | ACEPTAR X