Concello de Vimianzo
2 de xullo de 2022
O corazón da Terra de Soneira

Novas

09-06-2022

Vimianzo abrirá mañá as inscricións para as actividades de informática de verán

Vimianzo abrirá mañá, venres 10 de xuño, as inscricións para as actividades de informática de verán, que poderán facerse efectivas ata o 17 de xuño no departamento de Promoción Económica do Concello. Terán prioridade as persoas empadroadas en Vimianzo.

Mecanografía, robótica, ofimática para estudantes ou aprendizaxe para o uso do DNI electrónico son algúns dos puntos do programa. Desenvolveranse na Aula de informática da Casa da Cultura, sendo completamente de balde e as prazas limitadas. 

A actividade de mecanografía terá lugar os meses de xullo e agosto, en horario de 10:00 a 11:00 horas para o grupo 1 e de 12:30 a 13:30 horas o grupo 2. De luns a venres, dará comezo o 4 de xullo e terá unha duración de 38 horas totais. Será para rapazas e rapaces nados entre o 2006 e o 2014. 

Robótica será durante xullo para o grupo 1 e agosto para o grupo 2. En horario de 11:15 horas a 12:15 horas, os días para asistir serán luns e mércores. Dará comezo o 4 de xullo para o grupo 1 e o 1 de agosto para o grupo 2. Terá unha duración de 7 horas para cada grupo e tamén está programada para crianzas nadas entre o 2006 e o 2014.

Ofimática para estudantes, para a rapazada nada entre o 2002 e o 2011, será os martes, xoves e venres de xullo (grupo 1) e agosto (para o grupo 2). En horario de 11:15 horas a 12:15 horas. Dará comezo o 5 de xullo para o grupo 1 e o 2 de agosto para o grupo 2. Terá unha duración total de 12 horas por grupo. 

A rapazada que naceu entre o 1993 e 2006 poderá anotarse no curso de aprendizaxe para usar o DNI electrónico na Internet. A primeira, o 1 de xullo para o grupo 1; o 30 de agosto para o grupo 2, a segunda quenda. Será en horario de 10:00 a 12:00 horas.

Cita previa
Sede Electrónica
Pagos en liña
Directorio Empresarial
Escoitámoste
Liña directa co alcalde
Dbarrio. Comercion online
Axenda
- 2022 +
- xullo +
L
M
M
X
V
S
D
 
 
 
 
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31

Perfil de contratante
Boletíns
Museo Virtual SEA- Suelo Empresarial del Atlántico GDR Costa da Morte Grupos de Acción Costeira CeMIT DBARRIO Obradoiro de Emprego Xuvenil
COOKIES
Este sitio utiliza cookies para proporcionar os nosos servizos e realizar análisis de uso e de medición de nosa web. Se continúa navegando, consideramos que acepta o seu uso. Pode obter máis información, ou ben coñecer como cambiar a configuración do seu navegador, pulsando na nosa Política de Cookies | ACEPTAR X