Concello de Vimianzo
24 de setembro de 2021
O corazón da Terra de Soneira

Novas

13-09-2021

As creacións das artesás e artesáns locais cobran vida no Castelo de Vimianzo co ‘Desfile do liño’

As creacións das artesás e artesáns locais cobraron vida esta tarde no patio de armas do Castelo de Vimianzo co Desfile do liño, nun acto organizado pola Asociación de Amigos do Liño de Galicia que preside Carmen Riveiro, e que contou coa colaboración do Concello de Vimianzo e da Deputación da Coruña.

Modelos chegados de toda a Costa da Morte ocuparon unha pasarela repleta de vestimentas e complementos elaborados na fortaleza soneirá, nunha cita que serviu como peche ao programa Artesanía en vivo, desenvolto cada sábado durante o verán neste xenuíno enclave vimiancés.

O acto foi conducido pola xornalista vimiancesa Alba Mancebo, e asistiron o presidente da Deputación da Coruña, Valentín González Formoso, membros do goberno local e varios dos alcaldes e alcaldesas da Costa da Morte.

A alcaldesa de Vimianzo, Mónica Rodríguez, resaltou “o traballo incansable das artesás e artesáns”, unha maneira de facer arte que “é extensión da vosa personalidade, das vosas almas e que lle amosa ao mundo a vosa sensibilidade, delicadeza e maestría”, destacando no seu discurso que “vós sodes quen de continuar o que, moito tempo atrás, comezaron os nosos antepasados e tedes a honra de manter viva a identidade de Galicia”.

O presidente da Deputación, Valentín González Formoso, subliñou o compromiso “das persoas que integran o corpo de artesanía que, cada verán, manteñen viva a nosa esencia e o que significamos para o mundo enteiro”, á vez que fixo fincapé no “compromiso obrigado das administracións para continuar promovendo este tipo de actividades, esenciais para facer extensible algo que, como ben dixo Mónica, comezou a nosa xente ben tempo atrás”.

Cita previa
Sede Electrónica
Pagos en liña
Directorio Empresarial
Escoitámoste
Liña directa co alcalde
Dbarrio. Comercion online
Axenda
- 2021 +
- setembro +
L
M
M
X
V
S
D
 
 
25
26
27
28
29
30
 
 
 

Perfil de contratante
Boletíns
SEA- Suelo Empresarial del Atlántico
COOKIES
Este sitio utiliza cookies para proporcionar os nosos servizos e realizar análisis de uso e de medición de nosa web. Se continúa navegando, consideramos que acepta o seu uso. Pode obter máis información, ou ben coñecer como cambiar a configuración do seu navegador, pulsando na nosa Política de Cookies | ACEPTAR X