Concello de Vimianzo
25 de setembro de 2021
O corazón da Terra de Soneira

Novas

04-02-2021

O Concello aproba adicar 919.094,35 euros do Plan Único no pleno a gasto corrente, obras e gastos sociais extraordinarios

O Concello de Vimianzo aprobou o 03/02/2021 na sesión plenaria adicar 919.094,35 euros do Plan Único da Deputación Provincial da Coruña a gasto corrente, obras e gastos sociais extraordinarios.

Destinaranse 703.291,05 euros a gasto corrente e investimentos, namentres que 232.419,12 euros a gastos sociais extraordinarios, dos que 202.419,12 euros se adicarán a ampliar o servizo de axuda a domicilio en todas as súas modalidades, dentro da nova licitación.

Dentro deste apartado, 10.000 euros serán para ampliar e dotar as partidas destinadas a garantir investimentos suficientes ás persoas soas ou familias maiores, persoas con diversidade funcional e mulleres en risco de exclusión social ou vítimas de violencia de xénero. Outros 10.000 euros para axudas ás familias para gastos que faciliten a escolarización, material informático e acceso os medios dixitais. Os restantes 10.000 euros serán para reforzar os servizos e axudas económicas para respiro familiar e medidas de conciliación.

Na liña de investimentos, plantéxase que os 347.215,60 euros á rede de saneamento en Carantoña; a pavimentación no lugar de Mouzo e na mellora do viario de Subeiro A Carballa. Os restantes 356.075,45 euros serán para financiamento do gasto corrente.
 
Plan complementario

Tamén se aprobou a inclusión no Plan Complementario do ano 2021 os investimentos financieiramente sostibles de arranxo do pavimento interior no lugar de Xora (Fase 1); a mellora no viario de Santa Comba (Baíñas) e a mellora no viario de Romar (Berdoias).
 
Respecto ao punto sétimo, do “ditame sobre execución de sentenza RPT área de arquitectura urbanismo e posto de arquitecto municipal”, deuse conta dunha sentenza xudicial, no cal o Concello de Vimianzo está obrigado a regularizar o posto de arquitecto técnico municipal.
Debateuse tamén o tema sobre o alcance da avaliación do impacto ambiental ordinaria do Parque Eólico de Berdoias, o cal o Concello de Vimianzo presentou as alegacións amparadas xurídica e técnicamente para “darlle o formalismo como Administración que somos”, incide a alcaldesa, Mónica Rodríguez.

Neste sentido, cabe destacar que a implantación das infraestruturas require da previa aprobación definitiva dun proxecto sectorial, polo que non é posible iniciar a tramitación dun proxecto de execución sin a previa aprobación dun proxecto sectorial que acometa a necesaria transformación urbanística do territorio, e que todavía está pendiente a licencia municipal.

En conclusión, o Parque Eólico de Berdoias non é conforme á ordenación urbanística e o impacto sobre o territorio é dunha enorme trascendencia para a etnografía de Vimianzo e de Galicia desde o momento no que afecta de modo destrutivo a unha área con un extraordinario potencial arqueolóxico. Desde o Concello, presentáronse alegacións en tempo e forma porque “temos como deber protexer o noso patrimonio”, sinalan desde o goberno local.

Cita previa
Sede Electrónica
Pagos en liña
Directorio Empresarial
Escoitámoste
Liña directa co alcalde
Dbarrio. Comercion online
Axenda
- 2021 +
- setembro +
L
M
M
X
V
S
D
 
 
25
26
27
28
29
30
 
 
 

Perfil de contratante
Boletíns
Museo Virtual SEA- Suelo Empresarial del Atlántico GDR Costa da Morte Grupos de Acción Costeira CeMIT DBARRIO Obradoiro de Emprego Xuvenil
COOKIES
Este sitio utiliza cookies para proporcionar os nosos servizos e realizar análisis de uso e de medición de nosa web. Se continúa navegando, consideramos que acepta o seu uso. Pode obter máis información, ou ben coñecer como cambiar a configuración do seu navegador, pulsando na nosa Política de Cookies | ACEPTAR X