Concello de Vimianzo
27 de setembro de 2020
O corazón da Terra de Soneira

Novas

10-06-2020

Presentación da plataforma de venda online DBARRIO.COM

O tecido empresarial de Vimianzo reuniuse esta mañá na Casa da Cultura do municipio para ser coñecedores en primeira persoa da plataforma de e-commerce que se propón empregar para fomentar o comercio a través de Internet neste novo contexto socio-sanitario que estamos a vivir.

Esta acción enmárcase dentro do Plan de Reactivación Económica da Costa da Morte, impulsado polos Concellos de Vimianzo e Camariñas e no que participan tamén outros 11 concellos da contorna. O plan do Concello de Vimianzo é sufragar o custe da licencia na súa totalidade no primeiro ano de vida desta plataforma.

Esta plataforma, da empresa DBARRIO, foi a proposta, xa que fomenta en alto grao o comercio de proximidade e potencia a fidelidade coa clientela por parte do comercio que empregaría este servizo.

Ademais, facilita o modo de transporte, ampliando o abano de puntos de recollida e propoñendo a posibilidade de contactar con repartidores locais e inclusive co sector do taxi para realizar o servizo.

Nesta reunión, os comerciantes de Vimianzo acolleron a idea ‘de bo grado, amosándose tremendamente satisfeitos pola alternativa elixida’, comenta Rosa Sánchez, ADL de Vimianzo. Tanto é así que ‘sete empresas xa se anotaron na lista para solicitar a adhesión a este modo de venta a través de Internet’, comentan desde a administración vimiancesa.

O Concello de Vimianzo pon a disponsición do tecido comercial do municipio o seguinte formulario web para que se poidan inscribir no mesmo todos os comercios que así o desexen. Á reunión acudiron a alcaldesa, Mónica Rodríguez; a concelleira de Benestar, María José Pose; a ADL de Vimianzo, Rosa Sánchez; a técnica informática do Concello de Vimianzo, Lorena Cernadas e Pablo Sánchez e Jacobo Santamarina, en representación da empresa que prestará este servizo, DBARRIO.

Ligazóns

Cita previa
Sede Electrónica
Directorio Empresarial
Escoitámoste
Liña directa co alcalde
Dbarrio. Comercion online
Axenda
- 2020 +
- setembro +
L
M
M
X
V
S
D
 
 
 
 
 

Perfil de contratante
Boletíns
SEA- Suelo Empresarial del Atlántico GDR Costa da Morte http://www.afiprodel.org/
COOKIES
Este sitio utiliza cookies para proporcionar os nosos servizos e realizar análisis de uso e de medición de nosa web. Se continúa navegando, consideramos que acepta o seu uso. Pode obter máis información, ou ben coñecer como cambiar a configuración do seu navegador, pulsando na nosa Política de Cookies | ACEPTAR X