02-06-2020
Exames universitarios na aula CeMIT de Vimianzo
O alumnado universitario poderá realizar os seus exames na aula CeMIT de Vimianzo, situada na Casa da Cultura de Vimianzo.
Amtega xunto coa FEGAMP e as tres Universidades galegas asinan un acordo para que o alumnado universitario con dificultades para examinarse online desde os seus fogares poida facelo nos centros da Rede e a aula CeMIT de Vimianzo é unha das aulas que participa nesta iniciativa.
O acordo, creado a pedimento das universidades, ten como obxectivo que aqueles alumnos que teñan dificultades para examinarse online desde os seus fogares poidan facelo grazas á conexión das aulas CeMIT, entre o 1 de xuño e 31 de xullo de 2020.
As universidades galegas serán as encargadas de articular e trasladar ao alumnado o procedemento e protocolo para facer uso da Rede CeMIT para a realización dos seus exames.
O alumnado interesado terá que inscribirse previamente como usuario da Rede, a través da web
https://cemit.xunta.gal/ e reservar praza na aula da localidade do seu interese cunha semana de antelación e esperar a confirmación.
Poderase consultar a listaxe completa de aulas participantes na seguinte
ligazón.