Formación
-
Emprego e Promoción Económica
Visitas virtuais polos museos de todo el mundoDo 23-05-2024 ao 23-05-2024
-
Emprego e Promoción Económica
Cinco aplicacións para crear a túa biblioteca persoalDo 30-05-2024 ao 30-05-2024
Convocatorias
-
Emprego e Promoción Económica
Ciclo medio de xestión administrativa - IES TERRA DE SONEIRA (Vimianzo) -
Cultura
2024 LIBROS MADE IN GALIZA -
Emprego e Promoción Económica
Probas para obtención de certificados de CELGA 1, 2, 3 e 4 -
Emprego e Promoción Económica
Cursos de lingua galega preparatorios das probas para obter os certificados de lingua galega Celga 2, Celga 3 e Celga 4
Emprego
Novas
O CONCELLO DE VIMIANZO PORÁ EN VALOR A TRANSLATIO DE CEREIXO A TRAVÉS DUN PROXECTO SUBVENCIONADO POLO PROGRAMA O TEU XACOBEO
A TRANSLATIO E OS CAMIÑOS DE SANTIAGO NA COSTA DA MORTE
O proxecto que vai desenvolver o Concello de Vimianzo dentro do programa O Teu Xacobeo pretende poñer en valor a representación do episodio da Translatio que recolle o tímpano da porta lateral da Igrexa de Santiago de Cereixo.
Esta imaxe é singular e única xa que se trata da iconografía en pedra máis antiga que se coñece no mundo sobre ese tema e, ademais, está inspirada nas primeiras versións que falaban de que o cadaleito do Apóstolo viña acompañado de sete discípulos. Por outra banda, na clave do tímpano aparecen as figuras dun bispo co báculo na man e un anxo que parecen presenciar a escena, imaxes que fan referencia a outra parte da tradición xacobea, a Inventio, ou descubrimento do sepulcro.
A presenza da advocación de Santiago en Cereixo, tan preto do santuario da Virxe da Barca de Muxía, fai pensar na posibilidade de que a ría de Camariñas e Cereixo poidese funcionar como porto de chegada de peregrinos do norte de Europa dende a Idade Media.
O proxecto
Recompilación de patrimonio documental sobre a Igrexa de Santiago de Cereixo. Trátase de recoller información sobre a parroquia de Cereixo en diferentes arquivos e tamén sobre o episodio da Translatio.
Simposio sobre a Translatio e os Camiños de Santiago na Costa da Morte. Está programado para os días 25 e 26 de outubro e terá os seguintes contidos:
Tarde do venres, 25 de outubro: relatorios sobre A Translatio e o fenómeno xacobeo na Costa da Morte.
Mañán do sábado, 26 de outubro:
Panel expositivo sobre o Camiño de Santiago, o turismo e o desenvolvemento rural
Panel expositivo sobre os Camiños de peregrinación na Costa da Morte
Tarde do sábado, 26 de outubro:
Visita guiada á Igrexa de Santiago de Cereixo
Exposición A Translatio, inspiradora de artistas locais. É unha actividade participativa na que se pretende expoñer creacións de escolares, de artesáns e de artistas locais para que dean a súa visión da Translatio a través de pinturas, esculturas, encaixe, teas, madeira, xoias, etc.
Visitas guiadas para escolares. Ofertarase aos centros educativos a posibilidade de realizar unha visita guiada á Igrexa de Cereixo.
Comunicación e divulgación do proxecto a través dun espazo web e de redes sociais.
Ligazóns
Fax: 981716650
