13-09-2019
EXPOSICIÓN SOBRE A TRANSLATIO DE CEREIXO
Na Igrexa de Cereixo, no seu pórtico lateral, consérvase unha iconografía de referencia no mundo xacobeo, a Translatio do Apóstolo Santiago. É a imaxe máis antiga que se coñece en pedra sobre esta temática. Dada a importancia do elemento desexamos que a xente de Vimianzo a coñeza a fondo e unha das actividades que imos desenvolver vai ser unha exposición titulada A Translatio, inspiradora de artistas locais.
Desexamos que participen nela todas as persoas interesadas nas artes e que creen unha obra que recolla a súa visión deste pórtico e da imaxe que transmite. Pode ser pintura, cerámica, madeira, debuxos, encaixe, telas, ...., o que dicte a creatividade de cadaquen.
A artesanía do Castelo de Vimianzo estará presente na exposición "A Translatio, inspiradora de artistas locais". Así o manifestaron na xuntanza que mantiveron hoxe coas concelleiras María José Pose e Rosa Blanco.
Durante a xuntanza explicóuselle o contexto histórico e as diferentes lendas existentes sobre esa parte do mundo Xacobeo e a singularidade do pórtico de Cereixo desde o punto de vista artístico.
Para comunicar a súa participación deberá dirixirse ao Departamento de Promoción Económica do Concello de Vimianzo o antes do 11/10/2019.
As obras que se creen exhibiranse na Casa da Cultura entre o 23 de outubro e o 6 de novembro de 2019.