Novas

21-05-2019

O Concello de Vimianzo aproba un investimento de case 620.000€ para o arranxo de pistas

A Xunta de Goberno Local do Concello de Vimianzo que se reuniu no día de hoxe aprobou un investimento de case 620.000€ para o arranxo de pistas na práctica totalidade do termo municipal.

Para o arranxo de pistas nos lugares de Castromil e Castro na parroquia de Salto, en Cerbán e Castrelo, A Casanova e Romar en Berdoias, Santa Comba e O Val en Baíñas outras pistas interiores en Baíñas e Vimianzo destina un total de 78,742,57€.

Para o arranxo e a mellora dos pavimentos de Moreira en Carnés e Tufións en Cereixo, destina un total de 91285,21€.

Para a mellora e o arranxo da pavimentación en Campolongo e O Mouzo en Carnés e Cures en Cereixo, destina un total de 69907,12€.

Para o arranxo e a mellora dos pavimentos en A Valiña e Casais Grande en Vimianzo destínanse un total de 86534,71€.

Para a mellora, mantemento e sinalización da estrada entre A Piroga e Tines destínanse un total de 292721,58€.

O alcalde, Manuel Antelo, cualifica estas obras como de moi importantes, xa que mellorarán a pavimentación de lugares en distintas parroquias ademáis de contribuír á mellora das vías municipais.

Son unhas obras que responden ás demandas da veciñanza e ratifican a aposta do goberno Municipal de Vimianzo pola mellora e o mantemento das vías e do patrimonio municipais.