Concello de Vimianzo
24 de outubro de 2019
O corazón da Terra de Soneira

Novas

25-02-2019

O CASTELO DE VIMIANZO ACOLLEU O SORTEO DA COPA DA COSTA

Os 36 equipos que participan na Copa da Costa coñeceron a folla de ruta da competición nun sorteo moi especial ao que a Real Federación Galega de Fútbol quixo darlle o realce que se merece este torneo que se vive dunha maneira moi especial en todos os clubs e concellos da Costa da Morte.

O acto celebrouse no patio de armas do Castelo de Vimianzo, gracias á colaboración do Concello. Asistiron case a totalidade dos equipos da Costa e tamén foron invitados os dous que van a disputar a primeira edición da Copa feminina, o Bergantiños e As Miudas.

Un grupo de gaitas deu inicio a un acto que foi presentado por José Mira, xornalista de Radio Nordés (Cadena Ser). 

Silvia Cancela, directiva da Federación representante da Costa, deu as gracias ó alcalde de Vimianzo e a todos os asistentes por respaldar a aposta que desde a Federación se está a facer polo fútbol costeiro.

O alcalde de Vimianzo agradeceu á RFGF a elección deste emblemático lugar para realizar este sorteo pioneiro e tan especial.

O sorteo comezou coas catro eliminatorias previas para dese modo quedar os 32 equipos que compoñerán os 1/16 de final, rolda que tamén quedou sorteadas, así como os emparellamentos de 1/8. Cando se coñezan os oito clasificados para cuartos procederase a realizar un novo sorteo.

Manolín e Manín, dous referentes do fútbol da Costa, foron as mans inocentes encargadas de sacar as bolas nun sorteo ó máis puro estilo Champions.

Premios "Paixón polo fútbol da Costa"
O acto tiña reservado un momento moi especial. A RFGF quixo recoñecer a tres mitos do fútbol costeiro: Doro, que non puido asistir, como o xogador con máis títulos (7); Manín, o xogador con máis finais disputadas (8, 5 delas gañadas); e Manolín, o Rei de Copas (9 títulos, 2 como xogador e 7 como adestrador). Marta Calvo tamén foi premiada por ser a primeira xogadora con licenza nun club da Costa (Outes FC) convocada por unha selección galega.

E tamén houbo tres recoñecementos especiais a persoas e medios polo seu traballo de difusión e promoción da Copa da Costa: Fran Hermida (Cadena Ser), José Manuel Ferreiro e Que pasa na Costa.

O presidente da Federación agradeceu ó Concello de Vimianzo a súa colaboración, desexou sorte ós 36 participantes e puxo en valor a maneira na que se vive o fútbol en todos os clubs e concellos da Costa da Morte e sobre todo agradeceu o traballo que realizan todos os directivos que son os auténticos heroes do fútbol modesto.

Poden acceder a unha reportaxe fotográfica do evento nesta ligazón: Fotografías Sorteo Copa Costa

Sede Electrónica
Directorio Empresarial
Escoitámoste
Liña directa co alcalde
Axenda
- 2019 +
- outubro +
L
M
M
X
V
S
D
 
 
 
 

Perfil de contratante
Boletíns
Museo Virtual SEA- Suelo Empresarial del Atlántico GDR Costa da Morte Grupos de Acción Costeira CeMIT
COOKIES
Este sitio utiliza cookies para proporcionar os nosos servizos e realizar análisis de uso e de medición de nosa web. Se continúa navegando, consideramos que acepta o seu uso. Pode obter máis información, ou ben coñecer como cambiar a configuración do seu navegador, pulsando na nosa Política de Cookies | ACEPTAR X