Do 23-05-2024 ao 23-05-2024
Do 30-05-2024 ao 30-05-2024
O martes 12 de febreiro desenvolveuse unha visita institucional ás novas instalacións que a empresa Hijos de Rivera construíu no Parque empresarial de Vimianzo.
O alcalde, Manuel Antelo percorreu as instalacións acompañado por Pablo Viejo e Antonio Buzón, director corporativo e director comercial de Hijos de Rivera e Pablo Arangüena, xerente da empresa pública Suelo Empresarial del Atlántico (SEA).
Esta delegación de Hijos de Rivera comezou a operar no mes de xaneiro despois de 6 meses de obras. Ocupa unha superficie de 3000 metros cadrados nunha parcela de ao redor de 4800. Está destinada a almacén e oficinas e dará emprego a perto de 30 persoas.
Dende este centro loxístico daráselle servizo á zona comprendida entre Carballo, Santa Comba e Fisterra.
O alcalde, Manuel Antelo, agradeceulles aos responsables da compañía que estableceran esta delegación en Vimianzo. Valora dunha menira moi positiva a instalación dunha empresa destas características no concello, tanto pola imaxe positiva que achega ao Parque como pola cantidade de empregos que xera.
Para Antelo a instalación dunha empresa destas características é un fito importantge para o Parque empresarial de Vimianzo pois supón a confirmación do PArque empresarial de Vimianzo como o referente de solo industrial da comarca.
Con todo, para o alcalde, a gran asigantura pendente é a rebaixa dos prezos do solo industrial. Non pode ser que os parques propiedade de SEA (Goberno do Estado) teñan prezos máis elevados que os de XESTUR (Xunta de Galicia) e así llo trasladou ao xerente de SEA, presente na visita.