OBRADOIRO DE EMPREGO “CONSTRUÍNDO FUTURO”

O obradoiro de emprego “CONSTRUÍNDO FUTURO” é un programa mixto de emprego e formación dirixido a mellorar a ocupabilidade de persoas desempregadas. O dito programa está subvencionado pola Consellería de Economía, Emprego e Industria, cofinanciado polo Ministerio de Empleo y Seguridad Social e promovido polo Concello de Camariñas xunto cos concellos de Muxía e Vimianzo. 

MÓDULOS A DESENVOLVER:

• Actividades auxiliares en conservación e mellora de montes
• Pavimentos e albanelería de urbanización 

DURACIÓN: 9 meses. 

BASES: poderá consultar as bases para a selección do alumnado-traballador, así como do persoal directivo, docente e administrativo de apoio nesta LIGAZÓN. 

ALUMNADO: as persoas candidatas a participar como alumnado serán convocadas atendendo ás listaxes elaboradas polo Servizo Público de Emprego. 

PERSOAL DIRECTIVO, DOCENTE E ADMINISTRATIVO:   ao igual que no caso anterior, as persoas candidatas a participar como persoal directivo, docente e administrativo tamén serán convocadas atendendo ás listaxes elaboradas polo Servizo Público de Emprego. 

Os postos convocados son:

• 1 director/a (xornada completa)
• 1 auxiliar administrativo (75% xornada)
• 2 docentes (xornada completa), para impartir as especialidades:
  • AGAR0309 Actividades auxiliares en conservación e mellora de montes.
  • EOCB0211 Pavimentos e albanelería de urbanización.
• 1 Mestre/a de educación - titor (50% xornada)
• 1 Mestre/a de orientación laboral (25% xornada) 

SOLICITUDE: unha vez realizada a convocatoria, as persoas candidatas poderán descargar a solicitude no apartado final das bases ou recollela presencialmente no concello participante. Posteriormente e dentro do prazo indicado, deberá de presentala no Concello de Camariñas, presencialmente ou a través da súa SEDE.

 MÁIS INFORMACIÓN: Concello de Camariñas (tel. 981 73 60 00).