Do 23-05-2024 ao 23-05-2024
Do 30-05-2024 ao 30-05-2024
O Concello de Vimianzo conta cunha nova programación cultural de inverno formada por 12 espectáculos de teatro, música, danza e circo para un público adulto e que se desenvolverán de xaneiro a maio no Auditorio municipal.
Todos estes espectáculos comezarán ás 20:30 horas excepto o do Centro Dramático Galego, que será ás 18:30 horas.
O prezo de entrada é de 5 euros (2,50€ a reducida) e haberá descontos para maiores de 65 anos e para estudantes acreditados. Ademais, facilitarase un bono de 10 espectáculos a 40 euros que non inclúen nin o concerto da Sinfónica nin a Foliada do 11 de febreiro, xa que estes son de balde.
A venda anticipada será a través de www.woutick.es (gastos de xestión incluídos) ou na billeteira da Casa da Cultura de Vimianzo de luns a venres, en horario de 09:00 a 14:00 horas. Nesta última tamén será posible adquirir unha entrada o día de cada función desde unha hora antes do inicio de cada unha.
Non se poderá entrar na sala unha vez comece o espectáculo.