Novas

30-10-2017

O Concello de Vimianzo promociona o uso da lingua galega nos actos fúnebres

O Concello de Vimianzo e a Asociación de Funcionarios para a Normalización Lingüística organizaron un acto para dar a coñecer a iniciativa “En galego, agora e sempre”, destinada a fomentar o uso da lingua galega nos actos fúnebres.
O acto tivo lugar no cemiterio da paroquia de Salto o pasado sábado día 28 de outubro.

As persoas asistentes asinaron unha acta de derradeiras vontades na que expresan o seu desexo de que os actos fúnebres relacionados co seu pasamento se realicen en galego.

No transcurso do acto cambiouse a lápida da mestra Dna. Carmen Neira Marcos por unha en lingua galega e descubriuse unha placa no cemiterio coa lenda “Na memoria de todas as persoas que aquí xacen, porque grazas a elas Galicia segue a ter lingua e cultura de seu".

No acto, ademáis do alcalde, Manuel Antelo e do representante da Asociación de funcionarios pola normalización lingüísitica, X. Monteagudo, interviron algunhas ex-alumnas da mestra para homenaxear a súa figura, fundamental para a educación feminina e o fomento da igualdade na parroquia.