Novas

17-07-2017

A Xunta de Galicia aproba a modificación número 4 das Normas Subsidiarias

A proposta de modificación número 4 das normas subsidiarias do Concello de Vimianzo redactada polo Goberno municipal foi aprobada pola Xunta de Galicia.
Esta aprobación mellora de maneira importante as condicións de edificabilidade no medio rural, permitindo construír pegado aos lindes sempre que xa houbera unha construción ou o propietario da finca lindante o autorice, permitindo o aumento na altura das palleiras, podendo amplialas a conta da edificabilidade da parcela, permitindo a construción de edificacións de pranta baixa e consolidando a aliñación definida por construcións tradicionais.
Para o alcalde, Manuel Antelo, a aprobación desta modificación é de vital importancia, pois, por unha banda, legalízanse construcións e aliñamentos existentes e, por outra, facilita as construcións en núcleos rurais.
Para Antelo esta modificación é un exemplo da aposta decidida do Goberno de Vimianzo polo rural, reflectida na dotación de servizos básicos, mellora e arranxo das vías de comunicación ou na oferta e desenvolvemento de actividades culturais e deportivas descentralizada e adaptada ás demandas da poboación.
O alcalde está seguro de que a raíz da aprobación destas modificacións serán moitas as familias que opten por restaurar as vivendas que posúen no rural ou que se decidan a construír novas edificacións.